Kailangan na ng guinea pigs at hamsters sa bahay na to
got wasted on Jul 4, 2008; 12:33 PM
Malapit nang maging boring ang bahay na 'to.. hindi 'tong blog ko ang tinutukoy ko kundi yung totoong bahay mismo...
Siguro simula next week pagkakamalan nanamang abandonadong bahay ang bahay namin.. kagaya nga ng nakwento ko sa luma kong blog.. napagkakamalang haunted house ang bahay namin hindi daw nila nakikita masyado yung mga taong nakatira dito.. bukod pa don laging sarado yung mga bintana ng bahay, at puro yung malalaking aso lang namin ang nakikita nila.
Nung isang beses pa nga.. umagang umaga nagpapatugtog ng napakalakas yung kapitbahay namin as in akala mo may concert sa tabi ng tenga mo.. pinuntahan ni ate ata? di ko maalala basta pinahinaan nila kasi nga maaga pa yun at may natutulog pa samin.. ang sabi ba naman ng kapitbahay "Ay akala ko kasi soundproof yung bahay niyo" ay? baliw..
Anyway, balik sa dating topic... simula next week boring na ang bahay.. Actually nagsisimula na nga siyang maging boring ngayon pa lang..
Umalis na si Daddy papuntang Cebu... hinatid namin siya sa airport nung isang araw. Dun siya magsstay dahil nga sa bagong company na itinayo niya don.. So kung uuwi man siya dito siguro bakasyon bakasyon lang.
Since kailangang irenovate, pagandahin, iayos ayon sa theme yung building na gagawing office nila Daddy... kailangan ang talent ni Mommy.. so baka bukas, or sa sunday e sumunod na si Mommy dun. May katagalan yun dahil may kalakihan din yung irerenovate, so malamang sa malamang ay aabutin siya dun ng isang b'wan o mahigit.
Pagkatapos ng mahabang panahon ng pag rerest ni Ate M. at pag mamasteral (na hindi pa pala niya tapos ang thesis niya) ay balik trabaho na ulit siya. Start na ng work niya sa Monday so malamang mula pag gising ko e wala na siya at uuwi siya ng gabi na.
Si Ate O. naman medyo namimiss ko na ang kaartehan haha joke... ay nasa malayo kung san may disyerto at mga kamelyo... kung san may eroplano at mapulang lipstick.. Gumising man ako ng maaga o hindi man ako gumising maghapon, hindi ko talaga siya makikita.
Si Kuya, ay tila border simula pa dati... Kung umalis man siya o magstay sa bahay.. walang pinagkaiba dahil kapag nandito siya maghapon magdamag siyang nakaharap sa laptop at naglalaro ng Dead Awaken kung hindi ako nagkakamali... Minsan naman kapag nandito siya kasama niya si Baby kaya parang wala din sila.. Kapag wala naman siya.. ahaha teka lang ah parang naguguluhan ako sa sinasabi ko.. ok game.. pag wala naman siya nasa review center siya (oo 'di matapos tapos na review para sa ECE Board exam.. sino ba gumagawa ng exam na yun sasaksakin ko pahirap eh) at kadalasan 'di din naman siya umuuwi.
Si Abie na nasa "pagrerebelde/pagpapasaway" stage niya palang ay palagi din wala dahil sa school.. At pag uwi niya naman busy siya sa assignment niya at sa pag iinternet.. Isa pa yun kapag naharap sa laptop at nagchachat na ay hindi na makausap ng matino.. Hindi rin naman siya makausap ng matino kahit wala siyang ginagawa kasi nga nasa "pagrerebelde/pagpapasaway/matured na ko wag kang magulo" stage na siya.. So kung hindi ka niya pipilosopohin ay susungitan ka niya ng todong todo haha!! At by the way minsan e nagkukulong lang siya sa kanyang kwarto emo emohan ahahha!
Sino pa ba?.. Si Ash naman hmm ewan ko lang kung tapos na sa decomposition stage.. haha namimiss ko na si Ash..
Si Ate Lynda... si Ate Lynda ay palaging busy kay BIONIKA haha para sa impormasyon ng nakararami si Bionika ang bida ng paborito niyang radio drama.. meron pa siyang isa pang favorite e.. nakalimutan ko na yung title.. Anyway, si Ate Lynda ay pumupunta dito tuwing umaga para magluto, maglaba, maglinis tapos uuwi siya ng mga 5 or 6... Funny siya sobra, mukhang kontrabida pero major comedyante.. pero gaya nga ng sabi ko busy siya palagi kay Bionika.. At madalas siya nangangarap sa likodbahay kapiling si Bionika..
At ako... hindi ko alam kung anong mangyayari sa buhay ko at sa boring na bahay na 'to simula next week. Pero nitong mga nakaraan e lahat ng mag imbita ng inuman basta malapit at may bantay sa bahay go ako. At syempre pala kapag may pera.. teka naisip ko.. hindi na ko pwedeng hindi umuwi... at umuwi ng madaling araw simula next week dahil sa lahat ng mga nakasulat sa taas.. oh no! Bakit nila 'to ginagawa? Hahaha ay teka sasagutin ko yung tanong ko... Ginagawa nila yan dahil wala namang choice eh..Bum ka, ikaw lang ang hindi busy.. AWTS! Sabi ko na nga ba dapat sinipot ko yung mga interviews eh.. Hahaha! Alam ko na dapat na talaga kong maghanap ng work, gumising ng maaga, sumipot sa interviews, umiwas sa sakit... dahil kung hindi mamamatay ako VB VB VB VB VB VB VERY BORING!
Hay nako.. yung feeling ko ngayon.. parang lahat ng nasa paligid ko ang biliiiiiis biliiiiiis biliiiiis tapos ako nakastop lang... lahat busy ako lang hindi..
Tapos kanina naisip ko.. siguro ganto yung feeling ni Peterpan nung iniwan siya ni Wendy at ng Lost boys sa Neverland.. but atleast he has tinkerbell and he can fly.. hahaha wait sorry naimagine ko si Ate Lynda naka-tinkerbell costume ahahahahhahahh shet!
Hay nako siguro dapat bumili ako ng madaming guinea pigs o kaya hamsters tapos sa umaga papakawalan ko sa iba't ibang parts ng bahay... tapos maghapon hahanapin ko sila tapos ikukulong ulit tas kinabukasan ganun ulit.. pamatay bagot lang hahaha
Labels: ako, family, rants
