Dito kung saan
got wasted on Sep 28, 2008; 8:22 AM
Dito kung saan una akong nag walkout noon.
Dito kung saan naganap ang unang Sabado night na hindi sa bahay.
Dito kung saan ilang birthdays, monthsaries, annivs ang ni-celebrate.
Dito kung saan una kong nakita sa totoong buhay yung crush ko sa cellphone ni jenny.
Dito kung saan ilang girlfriends at boyfriends ang pinakilala.
Dito kung saan minsang nakipag-inuman sa mga bagong kilalang tao.
Dito kung saan inabot ng alas tres ng madaling araw dahil sa kalasingan.
Dito kung saan ilang storya ang nabuo.
Dito kung saan nagtatagpo ang mga nagtatago.
Dito kung saan ako unang nalasing na walang naalala kinabukasan.
Dito kung saan nagpatahan ng kaibigan.
Dito kung saan ko nakilala ang batang si Sandra.
Dito kung saan minsan kaming nilibre ng mga taong hindi ko na maalala ang pangalan.
Dito kung saan ako dumederecho tuwing Sabado pagkatapos ng klase, umulan man o hindi.
Dito kung saan kami nagpapatay ng oras kapag may hinihintay na event o klase.
Dito kung saan minsang nagmmeeting tungkol sa school works.
Dito kung saan nakakatawa kapag may nagwawala.
Dito kung saan umiinom at nagyoyosi ang matatapang na naka-uniform.
Dito kung saan nakakahirit kami ng libreng refill ng iced tea.
Dito kung saan bawal magdala ng pagkaen galing sa iba.
Dito kung saan minsan minsang nangchecheck out ng mga kung sinu sino.
Dito kung saan madalas naming nakikita ang Spongecola boys (sa kabila).
Dito kung saan mura ang bucket ng beer noon.
Dito kung saan masarap ang chicken inasal at pork liempo.
Dito kung saan mukhang pancit ang atsara.
Dito kung saan walang bayad ang ice.
Dito kung nasaan si Kuya Dennis na palaging nakikipag apir. Si Kuya Dennis na hinintay kami hanggang alas-tres ng madaling araw dahil sa kasama naming lasing.
Dito kung nasaan si Kuya Gilbert na hindi napipikon kahit asarin naming kung kani-kanino. Si Kuya Gilbert na nagbibigay minsan ng free refill ng iced tea. Si Kuya Gilbert na may winalis na daga sa tabi ko sabay sabing "SHHHHH" haha.
Dito kung nasaan si Ate Glenda.. na gustong Ate Glenn ang tawag sa kanya. Na nakitambay at naki-inom samin nung madaling araw na at hindi kami makaalis dahil sa kasamang lasing. Si Ate Glenda na updated sa mga chika, alam kung sino ang sino at sino ang wala na. Si Ate Glenda na tuwing nakikita ko kahit saan e binabati ko.
Chiggy's! Mamimiss kitang silipin tuwing daan ko sa katipunan. Mamimiss kong batiin sila Kuya Gilbert, at Ate Glen. Mamimiss kong apiran si Kuya Dennis. Mamimiss ko ang masarap na inasal.
Kahit may Papu's na...number 1 ka forever sa mga Bahay inumans sa puso ko ahahah! tie kayo ng Miko's na sarado na dati pa... number 3 ang Drews at number 4 ang Meatshop at number 5 ang Papu's.
Bye bye Chiggy's!!!
Labels: alcohol, chiggy's, friendship, katipunan, life, past